BOKS

-----------------

Boks üzrə paytaxt çempionları müəyyənləşib

Oktyabrın 10-da Bakı Boks Mərkəzində 2008\2009-cu il təvəllüdlü boksçular arasında startı verilən Bakı birinciliyinə bu gün həmin məkanda baş tutan həlledici final döyüşləri ilə yekun vurulub. Yarışın baş katibi, beynəlxalq dərəcəli hakim Anar Nağdıyevdən aldığımız məlumata görə beş gün davam edən yarışda paytaxtı təmsil edən 32 klub və idman cəmiyyətindən olan 202 yeniyetmə boksçu 15 çəki dərəcəsində medallar uğrunda mübarizə aparıb. Reqlamentə görə hər çəkidə ilk 3 yeri tutan boksçular 2024-cü ilin 10-16 yanvar günlərində keçiriləcək Azəbaycan çempionatında iştirak etmək hüququ qazanıb. 

Birinciliyin maraqlı final döyüşlərindən biri 52 kq çəkidə baş tutub. Bu döyüşdə boks üzrə Avropa birinciliyinin mükafatçısı Bağır Əmirxanlı (UGİM-1) ilə kikboksinq üzrə Avropa mükafatçısı olan Nihat Ağayev ("Roman" İK) yumruqlaşıb. Döyüş birincinin qələbəsi ilə bitib.  

Digər çəki dərəcələrində isə, Ayxan Həsənov (42 kq, "Məhsul"), Məhəmmədəli Kərimli (44 kü, UGİM2), Fərid Səlimov (46 kq. "Neftçi"), İsmayıl Rzayev (48 kq. "Qızıl Əlcək"), Sadiq Musayev (50 kq. "BRZLY"), Şahin Aslanov (54 kq, UGİM2),  Tamerlan Əlimzanov (57 kq, UGİM1), İslam Tağıyev (60 kq. UGİM1), Zəkəriyyə Rəhimov (63 kq, BFL), Valeh Eyvazlı (66 kq, "Qızıl Əlcək"), Ömər İmanlı (70 kq, "Məhsul"), İsmayıl Vəliyev (75 kq, PKİZ), Əli Məmişov (80 kq. UGİM2) və Məhəmməd Cəfərov (+80 kq) qalib adını qazanıb. 

İNTİQAM Məmmədov