BASKETBOL

-----------------------

"Sabah" kişi basketbol klubumuz sabah AK-nın müntəzəm çempionatında debüt edəcək 

Sabah kişi basketbol klubları arasında Avropa Kubokunun müntəzəm çempionatına start veriləcək. İlk dəfə olaraq, Azərbaycan da bu turnirdə təmsil olunacaq və debüt edəcək. Söhbət Azərbaycan çempionu "Sabah"dan gedir. 

Qeyd edək ki, klubun baş məşqçisi Boban Mitev turnirə qatılacaq klubun 12 oyunçudan ibarət heyətinə yerlilərdən Fuad Niftalıyev, Endar Poladxanlı, Şirzad Şirzadov, Rüstəm Əliyev, Əlikamran Məmmədov, legionerlərdənsə Pavle Marçinkoviç (Xorvatiya), Artems Butyankovs (Latviya), Kivon Devenport, Maykl Xolton, Korin Henri, Desmond Kembric və Donovan Smiti (hamısı ABŞ) cəlb edib.

Yeri gəlmişkən, turnirin D qrupunda yer alan "Sabah" ilk matçını sabah saat 21:00-da Montoneqronun "Mornar" klubuna qarşı keçirəcək. 

"Sabah"ın D qrupunda keçirəcəyi digər oyunların təqvimi belədir: 

25 окtyabr:  saat 19:00  "Sabah" - "Baxca şəhər" (Türkiyə);

1 noyabr: saat 21:30. "Nimburk" (Çexiya) - "Sabah";

8 noyabr: saat 19:00. "Sabah" - "Mornar" (Montoneqro); 

15 noyabr: saat 20:00. "Baxçaşəhər" (Türkiyə) - "Sabah"; 

22 noyabr: saat 19:00, "Sabah" - "Nimburk" (Çexiya).

Xatırladaq ki, "Sabah" bu mərhələyə turnirin təsnifat mərhələsində Hollandiya, Rumıniya və Şimali Makedoniya klubunu məğlub edərək yüksəlib. 

İNTİQAM Məmmədov