“Qəhrəman Muxtar Qasımlı” adlı ikihissəli tədbir həyata keçirildi

Şəhid qəhrəmanımız Muxtar Qasımlını gənc nəsilə tanıtmaq , onun keçmiş olduğu döyüş yolunu gənclərə aşılamaq məqsədilə Bakı Gənclər Mərkəzinin təşkilatçılığı ilə “Qəhrəman Muxtar Qasımlı” adlı ikihissəli tədbir həyata keçirilib. Tədbirdə qəhrəman şəhidimizin əziz xatirəsinə həsr olunmuş sənədli filmin təqdimatı baş tutub. Burada dövlət və qeyri-hökümət qurumlarının nümayəndələri,şəhid ailələri, media nümayəndələri, tələbə və gənclər iştirak ediblər. Tədbirə Azərbaycan Respublikasının himni ilə başlanılıb. Ulu Öndər Heydər Əliyevin və ərazi bütövlüyümüz uğrunda canından keçən şəhidlərin ruhu bir dəqiqəlik sükutla yad edilib.Sonra Bakı Gənclər Mərkəzinin direktoru Nərgiz xanım tədbiri giriş sözü ilə açıq elan edib. Daha sonra Muxtar Qasımlının valideynləri, Millət vəkili Fazil Mustafa, YAP-ın Sabunçu rayon təşkilatının sədri Araz Xudadanov, YAP-ın Suraxanı rayon təşkilatının sədr müavini Salman Əbdülov çıxış edərək 44 günlük Vətən Müharibəsi nəticəsində canlarından keçmiş şəhidlərimiz və qazilərimiz barədə fikirlərini bölüşüblər. Bakı Gənclər Mərkəzinin istedadlı gəncləri şəhidlərimizin əziz xatirəsini yad etmək üçün şeir və musiqilər səsləndiriblər.
Tədbirin ikinci hissəsində Muxtar Qasımlının xatirəsinə həsr olunmuş sənədli film nümayiş olunub. Filmdən sonra vətən müharibəsi iştirakçısı Suraxanı rayon İcra hakimiyyətində şəhid ailələri və vətən müharibəsi iştitakçıları ilə işin təşkili şöbəsinin şöbə müdiri Elmar Hüseyn qəhrəman Muxtar Qasımlı ilə bağlı xatirələrini iştirakçıların nəzərinə çatdırıb.