Voleybol

-------------

"Xarı Bülbül" Avrokuboka qələbəylə debüt edib

Bu gün kişi voleybol klublari arasında Avrokubok yarışlarının Çellenc (Caqiriş) Kuboku turnirində 1/32 final mərhələnin ilk oyunları keçirilib. Ölkəmizi bu turnirdə təmsil edən vitse-cempionumuz "Xarı Bülbül" (Şuşa) klubu Slovakiyanın "TJ Spartak Myjnava" klubunu qəbul edib. Bakı Voleybol Mərkəzində baş tutan görüşdə Şuşa təmsilçisi qalib gəlib. 

Qeyd edək ki, ilk setdə rəqibini 25:23, ikinci setdə isə 25:21 hesabla məqlib edən "Xarı Bülbül" üçüncü setdə də (27:25) qalib gələrək 1/32 finalin ilk görüşünü və Avrokubokdaki debütünü qələbə ilə qeyd edib - 3:0. 

Yeri gəlmişkən, qarşılaşmanın üçüncü seti daha gərgin keçib. Beləki, oyun uzun müddət xala-xal prinsipi (21:21, 24:24) ilə davam etdikdən sonra qonaq komanda hesabda irəli çıxmaqla (24:25) bütün arenanı həyəcanlandırıb. Lakin voleybolçularımız əzm və xarakter nümayiş etdirməklə hesabda dönüş yarada biliblər. Aktivinə dalbadal üç xal yazdıran Şuşa təmsilçisi seti 27:25 hesabla öz xeyrinə bitirməyi bacarıb.

Sabah saat 18:00- da eyni məkanda tərəflər cavab matçına çıxacaqlar. 

Xatırladaq ki, tərəflər arasında əldə edilən qarşılıqlı razılaşmaya əsasən hər iki oyunun Bakıda keçirilməsi nəzərdə tutulub. 

İNTİQAM Məmmədov