Voleybol

-----------------

"Xarı Bülbül" voleybol klubu debüt etdiyi Avropa Kubokunun növbəti mərhələsinə keçib

Azərbaycanı ÇEV bayrağı altında keçirilən Avropakubok yarışlarının Çellenc (Caqiriş) Kubokunda təmsil edən "Xarı Bülbül" (Şuşa) klubu bu gün sözügedən turnirin 1/32 final mərhələsinin cavab oyununa çıxıb. Bakı Voleybol Mərkəzində baş tutan oyunda Şuşa təmsilçisi Slovakiyanın "TJ Spartak Myjava" klubu ilə qarşılaşıb. Rəqib bu oyunda nominal ev sahibi olsa da, qarşılaşma dünən baş tutan ilk oyunda olduğu kimi, yenə də "Xarı Bülbül"-un qələbəsi ilə bitib - 1:3(22:25, 25:22, 21:25, 21:25). Qeyd edək ki, qarşılaşmanın üçüncü və dördüncü şərtlərində bir neçə dəfə həyəcanlı məqamlar yaranıb. Beləki üçüncü setdə Şuşa təmsilçisi hesabda bir neçə dəfə 5-6 xal fərqiylə (4:9, 11:17) olduğu halda qonaq komanda fərqi minimuma (18:19, 19:20) yendirməklə yerli voleybolculara və eləcə də azarkeşlərə həyəcan yaşatdırib. Lakin sonda "Xarı Bülbül" xarakter nümayiş etdirməklə seti fərqli hesabla öz xeyrinə bitirməyi bacarıb - 21:25. 

Oxşar hallar dördüncü həlledici setdə də baş verib. "Xarı Bülbül" setin əvvəlində 5:10, 6:11, 9:14 hesabla irəlidə olsa da, sonrada tabloda 17:19, 18:19, 19:20 hesabları da yazılıb. Xoşbəxtlikdən, sonda set 22:25 hesabla bitincə"Xarı Bülbül" cavab matçında da qalib gəlib. Bu isə vitse-cempionumuza debüt etdiyi Avropakubokda 1/16 finala adlamaq imkanı verib.

Yeri gəlmişkən, Şuşa voleybolçuları dünən baş tutan oyunda ev sahibi olaraq, 3:0 (25:22, 25:21, 27:25) hesabla qalib gəlmişdi.

Xatırladaq ki, bundan bir həftə əvvəl isə, Azərbaycan çempionu adını daşıyan "Azərreyl" qadın voleybol klubu analoji turnirin ikinci mərhələsinə (1/16 final) keçib. 

Hər iki klubumuza növbəti mərhələdə uğurlar arzulayırıq. 

İNTİQAM Məmmədov