"Qarabağ" "Ayntraxt"ı qəbul edəcək

Bu gün "Qarabağ" Çempionlar Liqasının əsas mərhələsinin yeddinci turunda oyun keçirəcək. Komandamız "Ayntraxt Frankfurt" (Almaniya) ilə qarşılaşacaq.

Oyun Bakıdakı Tofiq Bəhramov adına stadionda keçiriləcək və saat 21:45-də başlayacaq. Hakim Sandro Şerer olacaq, ona xətt hakimləri Stefan de Almeyda və Yonas Erni, dördüncü hakim isə Yohannes fon Mandax kömək edəcək. Hakimlər briqadası İsveçrədəndir.

Turnirin əvvəlində "Qarabağ" Portuqaliyanın "Benfika" (3-2), Danimarkanın "Kopenhagen" (2-0), İspaniyanın "Atletik Bilbao" (1-3), İngiltərənin "Çelsi" (2-2), İtaliyanın "Napoli" (0-2) və Hollandiyanın "Ayaks" (2-4) komandaları ilə oynayıb. Klubun yeddi xalı var və hazırda ümumi turnir cədvəlində 25-ci yerdədir.