Azərbaycan cüdoçuların növbəti dünya çempionatına ev sahibliyi edəcək 

Macarıstanın paytaxtı Budapeştdə böyüklər arasında cüdo üzrə keçirilən dünya çempionatında fərdi yaşayışların son günündə bayraq təslimetmə mərasimi təşkil edilib. Beynəlxalq Cüdo Federasiyası 2026-ci ildə keçiriləcək dünya çempionatının bayrağını Azerbaycan Cüdo Federasiyasının vitse-prezidenti, Olimpiya çempionu adını daşıyan Elnur Məmmədliyə təqdim edib. 

Yeri gəlmişkən, paytaxt Bakının ev sahibliyi edəcəyi mundial 2026-ci ilin 9-16 iyul günlərinə təsadüf edəcək. Proqrama əsasən 9-15 iyul günlərində fərdi, 16 iyulda isə qarışıq komanda yarışı keçiriləcək.

Xatırladaq ki, Azərbaycan ilk dəfə dünya çempionatına 2018-ci ildə ev sahibliyi edib.

İNTİQAM Məmmədov