Rumıniyada gənclər arasında boks üzrə “Dracula Open” beynəlxalq turniri davam edir.

Dördüncü yarış günündə Azərbaycan yığmasının daha iki idmançısı qələbə qazanıb.

Nihat Qasımov (51 kq) 1/8 finalda Kristian Serbanla (Rumıniya) qarşılaşıb. Görüş 5:0 (29:27, 29:27, 30:26, 30:26, 30:26) hesabı ilə komanda üzvümüzün qələbəsi ilə başa çatıb. 1/4 finalda Qasımov birinci mərhələdən azad edilən Maksim Maşevski (Ukrayna) ilə qarşılaşacaq.

Zidan Humbətov (54 kq) da turnirə qələbə ilə başlayıb. O, ilk raundda rumıniyalı Emzar Qransianı inamla məğlub edib. 1/4 finalda Humbətov Roman Şpakla (Moldova) qarşılaşacaq.

Qeyd edək ki, “Dracula Open” turnirində final döyüşləri fevralın 23-də baş tutacaq.