AFFA Regional Liqasının püşkatma mərasimi keçirilib
Azərbaycan Futbol Federasiyaları Assosiasiyasının (AFFA) Regional Liqasının yeni mövsümünün püşkatma mərasimi keçirilib.
Püşkatma mərasimi AFFA-nın inzibati binasında baş tutub.
Tədbirdə AFFA-nın Oyun Əməliyyatları Departamentinin rəhbəri Emin Cəfərov, Texniki Direktor Cahangir Həsənzadə, “Grossroots” Futbol Departamentinin rəhbəri Fərrux İsmayılov, Azərbaycan Həvəskarlar Futbol Federasiyasının prezidenti Rüfət Əmirov və AFFA-nın Məşqçilər Komitəsinin üzvü Yaşar Vahabzadə iştirak ediblər.
AFFA Regional Liqasının oyunları 4 bölgədə (paytaxt və şimal, mərkəz, şimal-qərb və qərb, cənub) keçiriləcək. 54 komandanın iştirak edəcəyi yarışın ilk oyunları martın 8-9-da keçiriləcək. Mövsüm mayın sonunda başa çatacaq.
