"Qarabağ" albaniyalı forvardla vidalaşacaq

Ağdamın "Qarabağ"ı cari mövsümün sonunda yollarını ayıracağı ilk futbolçuya qərar verib.

Klub rəhbərliyi albaniyalı hücumçu Redon Djidjinin oyunundan narazıdır.

Futbolçu iki ildən artıqdır ki, Premyer Liqa təmsilçisinin formasını geyinsə də, əsas heyətdə özünü təsdiq edə bilməyib və millidəki yerini itirib.

Futbolçu özü də başa düşür ki, gələn mövsümdən əcnəbi futbolçulara qoyulan məhdudiyyətin aradan qaldırılması ilə onun “Qarabağ”ın start heyətinə düşmək şansı daha da illüziya olacaq. Klub heyətini daha ixtisaslı əcnəbi futbolçularla gücləndirmək niyyətindədir.

Bu vəziyyətdə Redon Djidja vətənində uğurlu oyun nümayiş etdirərək millinin məşqçilər korpusunun diqqətini bir daha cəlb etmək üçün yayda iddialı Alban klublarından birinə keçməyə ümid edir. "Qarabağ" da 26 yaşlı hücumçunun gedişində maraqlıdır və uyğun təkliflər olarsa, transferi asanlaşdırmağa hazırdır.

Qeyd edək ki, Redon Giqinin "Qarabağ"la müqaviləsi 2026-cı ilin yayına kimi nəzərdə tutulub.