Güclü Azərbaycan Naminə

Boksçularımız 2024-ü 160 medalla başa vurublar

06-01-2025 13:32:30

Boksçularımız 2024-ü 160 medalla başa vurublar

Geridə qalan 2034-cu il yüz yaşı olan Azərbaycan Boks Federasiyası (ABF) üçün uğurlu olub. Belə ki, müxtəlif yaş qruplarından olan Azərbaycan boksçuları ilboyu Olimpiya Oyunları, dünya və Avropa çempionatları da daxil olmaqla, 35 beynəlxalq turnirdə iştirak edib və 44-u qızıl, 48-i gümüş və 68-i bürünc əyarlı olmaqla 160 medal qazanıblar. Bunlardan biri Paris Olimpiadası-2024-də (gümüş medal), 21-i Avropa, 5-i isə dünya çempionatlarında qazanılıb.

Paris Olimpiadasının yeganə gümüş medalını Alfonso Dominqes (92 kq) qazanıb. Buna görə o, ilin sonunda İBA tərəfindən bu çəkinin ən yaxşılarından biri kimi mükafatlandırılıb.

Daha bir boksçumuz - Tayfur Əliyevsə (60 kq) Macarıstanın Miskolts şəhərində keçirilən "HELL Boxinq Kinqs" boks gecəsinin finalında qalıb gələrək bu turnir üzrə ilin çempionu olub və xüsusi kəmərə layiq görülüb.

İNTİQAM Məmmədov