Azərbaycan güləşçilərinin Slovakiyada zəfərlə çıxışı

Sərbəst güləş üzrə Azərbaycan yığması Bratislavada (Slovakiya) keçirilən Avropa çempionatının qalibi olub.

19 xal toplayan komandamız Gürcüstan (114) və Türkiyəni (73) qabaqlayaraq birinci yeri tutub.

Sərbəst güləş üzrə milli komanda tarixində beşinci dəfə Avropa çempionu adını qazanıb. Komanda daha əvvəl 2009, 2017, 2022 və 2023-cü illərdə qitənin ən güclüsü olub.

Xatırladaq ki, cari Avropa çempionatını Azərbaycan komandası altı medalla - qızıl, gümüş və dörd bürünclə başa vurub. Qızılı Georgi Meşvildişvili (125 kq), gümüşü Osman Nurməhəmmədov (92 kq), bürünc medalı isə İslam Bazarqanov (57 kq), Əli Rəhimzadə (65 kq), Kənan Qeybətov (70 kq) və Ağanəzər Novruzov (75 kq) qazanıb.