Bədnam tunel yenidən su altında qalıb

Azərbaycanda son iki gün ərzində hava şəraiti son dərəcə qeyri-sabit qalıb. Gecədən paytaxta yağan güclü yağış şəhərin bir sıra küçə və prospektlərinin su altında qalmasına səbəb olub.

Ən problemli ərazilərdən biri də Bakının Sabunçu rayonundakı bədnam tunel olub. Məhz burada ötən ilin oktyabrında daşqın nəticəsində iki nəfər həlak olub.

Hazırda Azərbaycan Fövqəladə Hallar Nazirliyinin əməkdaşları səfərbər olunub və su basmış ərazilərdə fəal şəkildə işlər aparırlar.