Azərbaycan İdman Jurnalistləri Assosiasiyasının İcraiyyə Komitəsinin yığıncağı keçirilib +FOTO=14

Aprelin 15-də Azərbaycan İdman Jurnalistləri Assosiasiyasının (AİJA) İcraiyyə Komitəsinin yığıncağı keçirilib.

Yığıncaqda İcraiyyə Komitəsinin sədri, AİJA prezidenti Eldar İsmayılov çıxış edib. O, 2025-ci ilin AİJA-nın yaranmasının 30 illiyi ilə bağlı qarşıda duran mühüm məsələlərə toxunub. AİJA prezidenti eyni zamanda vurğulayıb ki, bu il həm də Milli Mətbuatımızın yaranmasının 150 yaşl tamam olur. Eldar İsmayılov AİJA-nın Milli Mətbuatımızın həyatında 30 il yer almasını böyük fəxarət hissi olduğunu dilə gətirib.

Daha sonra sədr idman jurnalistikamızın inkişafı istiqamətində qarşıda duran vəzifələri birgə həyata keçirmək üçün AİJA İK üzvləri - Rövşən Binnətli, Nərgiz Mahmudzadə, Ramin Allahverdiyev, Rizvan Cəfərov, Rüstəm İsmayılov, Salatın Miriyeva, Mədinə Karahan və Günay Mahmudova olmaqla birgə müzakirə etdi.

Tədbirdə müxtəlif təkliflər səsləndirən AİJA İK üzvləri AİJA-nın yaranmasının 30 illik yubileyi münasibətilə silsilə tədbirlərin həyata keçirilməsi üçün öhdəliklər götürüblər.

Rüstəm İsmayılov