Rafiq ODAY:

QƏZƏL

Dilbəra, səndən mənə qəm donlu həsrətdir qalan,

Getdi şad günlər müdam can içrə möhnətdir qalan.

Bir xoş söz, bir iltifat bəs eylər şükranlıq üçün,

İltifat, xoş söz hanı? - yerində nifrətdir qalan.

Ərənlik tükəndimi, insanlıq öldümü, Yarəbb? -

Qeyb oldu hörmət, izzət - ortada minnətdir qalan.

Var-dövlət dada yetməz nə Kanda, nə Məkan içrə,

Getdinmi, səndən sonra nə varsa - ibrətdir qalan.

Sev-sevil ömrün boyu, nə şöhrət, nə ad-san ara,

Dünyaya car çək, Oday, - aşiqə vüslətdir qalan.

10.04.2025