Türkiyə Olimpiya Oyunlarına iddialıdır

Türkiyə prezidenti Rəcəb Tayyib Ərdoğan UEFA-nın İstanbuldakı nümayəndəliyinin açılış mərasimində iştirak edib və ölkənin böyük beynəlxalq idman yarışlarına, o cümlədən Olimpiya Oyunlarına ev sahibliyi etməyə hazır olduğunu bəyan edib.

"Türkiyə 1962-ci ildən UEFA-nın tamhüquqlu üzvüdür. Son 20 ildə Çempionlar Liqası, UEFA Kuboku, Superkubok və 20 yaşadək futbolçular arasında dünya çempionatının final mərhələsinə uğurla ev sahibliyi etmişik: "İnfrastrukturumuz və təşkilati təcrübəmiz bizə Olimpiadaya vəsiqə qazanmağa imkan verir".

Türkiyə Prezidenti idman infrastrukturunun yüksəldiyini qeyd edib: 23 il ərzində idman obyektlərinin sayı, demək olar ki, üç dəfə artıb, onlarla yeni stadion tikilib, futbol meydançaları və idman zalları müasirləşdirilib.

Ərdoğan milli komandanın uğurlarını da xatırladıb və İstanbulda UEFA-nın ofisinin açılmasının Türkiyə futbolunun və beynəlxalq idman əməkdaşlığının inkişafında mühüm addım olacağına əminliyini bildirib.

Sonda Ərdoğan son zəlzələdən zərər çəkənlərə başsağlığı verib və dövlətin bütün lazımi yardımı göstərdiyinə əmin edib.