Dünən Bakı Boks Mərkəzində gənc boksçular arasında seçmə xarakterli növbəti ölkə birinciliyinə start verilib. Dövlət Himninin səslənməsi ilə başlanan təntənəli açılış mərasimindən sonra döyüşlər başlayıb. Qeyd edək ki, yanvarın 19-dək davam edəcək bu birincilikdə ölkənin müxtəlif bölgələrini təmsil edən 64 komandanın heyətində 304 idmançı medallar uğrunda rinq döyüşünə qatılıb. Yeri gəlmişkən, oğlanlar 13, qızlar isə cəmi 2 çəki dərəcəsində döyüşəcəklər. 

Reqlamentə görə, hər çəkidə ilk 3 yeri tutan boksçu ölkə yığmasının düşərgəsinə cəlb ediləcək.

İNTİQAM Məmmədov