“Dağlıq Qarabağ Respublikasının prezidenti” Arayik Arutyunyan Ermənistanın hərbi təcavüzü nəticəsində çoxsaylı cinayətlər törətməkdə təqsirləndirilən şəxslərin məhkəməsində açıqlama verib.

O, 44 ​​günlük müharibə zamanı Gəncəyə raket zərbəsi endirilməsi ilə bağlı verdiyi açıqlamadan təəssüfləndiyini bildirib.

“Azərbaycan xalqı hesab edir ki, bu əmri mən vermişəm (Gəncəni vurmaq – red.). Bu qərarı mən verməmişəm. Bəli, bununla bağlı açıqlamam var idi. İndi bu açıqlamadan təəssüflənirəm və üzr istəyirəm. Mənim o hüququm, o səlahiyyətim, hətta fikir bildirmək imkanım da yox idi. Arayik Arutyunyan əlavə edib: “Niyə o zaman belə açıqlama verdiyimi istintaq zamanı verdiyim ifadədə izah etdim”.

Xatırladaq ki, yanvarın 17-də Ermənistan dövləti və onun silahlı qüvvələrinin Azərbaycana və Azərbaycan xalqına qarşı törətdiyi sülh və bəşəriyyət əleyhinə cinayətlər, hərbi cinayətlər üzrə açıq məhkəmə prosesi başlayıb.