11-14 fevral günlərində 20 yaşlı güləşçilər arasında seçmə xarakterli Azərbaycan çempionatı keçiriləcək. Azərbaycan Güləş Federasiyası və Gənclər İdman Naziriliyinin birgə təşkilatçılığı ilə keçiriləcək bu yarış Xırdalandakı "Abşeron" Olimpiya İdman Kompleksində baş tutacaq. Çempionatın ilk iki günü sərbəst güləşçilər, növbəti iki gündə isə yunan-Romaçılar döşək üzərinə çıxaraq medallar uğrunda mübarizə aparacaqlar.

Çempionatın proqramına əsasən birinci gen çəkisi 57, 65, 74, 86 və 97, ikinci günsə 61, 70, 79, 92 və 125 kq çəki dərəcəsində olan idmançılar güləşəcəklər.

Çempionatı üçüncü günü (13 fevral) çəkisi 55, 63, 72, 82 və 97 kq olan klassiklər, yarışın son günündə isə 60, 67, 77, 87 və 130 kq çəki dərəcələrində olan yunan-Romaçılar qurşaq tutacaqlar.

Reqlamentə əsasən hər çəkidə ilk üç yeri tutan idmançılar ölkə yığmasına cəlb ediləcəklər.

İNTİQAM Məmmədov