Gəl çıxaq üzü yaylağa

Gəzək dağları, dağları.

Səhər çağı şeh üstündə

Gəzək dağları, dağları.

Elçi göndər yara, gəlsin

Yolçular yola tələssin

Tanrıya çatacaq səsin

Gəzək dağları, dağları.

Sərin-sərin əsir külək

Cana gəlir, coşur ürək

Üzə gülür arzu, dilək

Gəzək dağları, dağları.

Qayalardan keçə-keçə

Cığırları seçə-seçə

Sərin sudan içə-içə

Gəzək dağları, dağları.

Gəl şairin tut əlindən

Qoy həzz alsın öz elindən

Şeir dinlə sən dilindən

Gəzək dağları, dağları.

ƏLİSA QƏMGİN