Azərbaycanda keçiriləcək III MDB Oyunlarının Təşkilat Komitəsinin ilk iclası keçirilib.

Baş nazirin müavini, Təşkilat Komitəsinin sədri Samir Şərifovun sədrliyi ilə keçirilən iclasda Oyunlara hazırlıq məsələləri ətraflı müzakirə olunub.

Bildirilib ki, III MDB Oyunları “2025-ci ildə Müstəqil Dövlətlər Birliyinin idman paytaxtı” olan Gəncədə və sentyabrın 28-dən oktyabrın 8-dək respublikanın daha altı şəhərində idmanın 23 növü üzrə keçiriləcək. Gəncədə 8, Mingəçevirdə 4, Qəbələdə 4, Şəkidə 3, Göygöldə 2, Yevlaxda 1, Xankəndidə 1 idman növü üzrə yarışlar təşkil olunacaq.

Oyunlarda Azərbaycan hökumətinin dəvəti ilə MDB ölkələrinin idman nümayəndə heyətləri ilə yanaşı, bir sıra digər ölkələrin idmançılarının da iştirakı gözlənilir.