1988-ci ildən 2024-cü ilə qədər ümumilikdə 18850 nəfər ermənilər tərəfindən qəsdən öldürülüb ki, onlardan 3493-ü mülki, 15357-si isə hərbi qulluqçulardır.
Bunu prokuror Azərbaycan xalqına qarşı çoxsaylı cinayətlər törətməkdə təqsirləndirilən erməni əsilli şəxslərə qarşı cinayət işi üzrə məhkəmədə ittiham aktının yekun hissəsini elan edərkən deyib.
O qeyd edib ki, qeyd olunan müddət ərzində ümumilikdə 56 268 nəfərin öldürülməsinə cəhd edilib, onlardan 4 435-i mülki, 51 803-ü isə hərbçi olub, müxtəlif dərəcəli bədən xəsarətləri alıb.
