Dünən Səudiyyə Ərəbistanında Madrid "Real"ı ilə Kataloniyanın "Barselona" klubu arasında İspaniya Super Kuboku keçirilib. Görüş "Barsa"nın 3:1 hesablı qələbəsi ilə bitincə onun "Kral klubu" ilə arasında olan titul fərqi minimuma yenib. Taixində 97-ci titulunu qazanan Kataloniya təmsilçisi indi "Real"dan cəmi bir titul gei qalır. Futbol statistiklərinin marağını nəzərə alaraq, hər iki klubun qazandığı titulları təqdim edirik: 

"Barselona" - 26 dəfə La Liqanı (İspaniya çempionatı) udan göy-narıncılar 14 dəfə İspaniya Superkubokunu, 2 dəfə İspaniya Liqası Kubokuna (1983 və 1986-cı illər) yiyələnib. Katalonlar 5 dəfə UEFA Çempionlar Liqasını və eyni sayda Avropa Superkubokunu qazanıb. 4 dəfə Kuboklar Kubokunu əldə edən "Barsa" 2 dəfə isə Yarmarka Kubokunu udub. Bütün bunlarla yanaşı, klub daha 7 müxtəlif səviyyəli kubka da sahib çıxıb. Onların arasında  3 dəfə klublararası dünya çempionluğu var. 

"Real" -aktivində 14 ədəd UEFA Çempionlar Liqasının kuboku olan bu "Kral klubu" 35 dəfə İspaniya La Liqasını, 19 dəfə İspaniya Kubokunu, 12 dəfə İspaniya Superkubokunu, 1 dəfə İspaniya Liqa Kubokunu, 2 dəfə UEFA Kubokunu, 5 dəfə Avropa Superkubokunu, 3 dəfə Qitələrarası Kuboku, 4 dəfə klublararası dünya çempionluğunu, 2 dəfə Latin Kubokunu, 1 dəfə isə Evı Duarte Kubokunu udub. 2023-cü ildə isə "Barsa"nın 3, "Real"ınsa 4 yeni titul qazanmaq şansı var. "Barsa" la Liqa, İspaniya Kuboku və Avropa Liqasında, Madrid təmsilçisi isə İspaniya La Liqası və İspaniya Kuboku, eləcə də UEFA Çempionlar Liqası və klublararası dünya çemponatını uda bilər. 

İNTİQAM Məmmədov