STOLÜSTÜ TENNİS

--------------------------------

Tennisçimiz Mərziyə Nurmətova AÇ-nı ilk səkkizlikdə bitirib

Dünən Polşanın Qliviçe şəhərində yeniyetmə və gənc stolüstü tennisçilər arasında  Avropa çempionatına start verilib. Çempionatda Azərbaycan tenisçiləri də mübarizə aparırlar. Azərbaycan Stolüstü Tenis Federasiyasından verilən məlumata görə, ölkəmizi gənclərin yarışında Ləman Abdulhəmidova, Zemfira Mikayılova, Xədicə Əbilzadə, Nigar Mahmudova, yeniyetmələr arasında isə Adil Əhmədzadə, Rüstəm Hacılı, Hüseyn Eylazov, Mərziyyə Nurmətova, Arzu Aslanova və Aylin Əsgərova təmsil edəcək. 

Komandaya məşqçilər Ramil Cəfərov və Elnur Hidayətzadə rəhbərlik edir. 

Qeyd edək ki, çempionatın ilk günü mübarizəyə qatılan tennisçilərimizdən Mərziyyə Nurmətova nisbətən yaxşı nəticə göstərib. O, Avropa birinciliyində ilk səkkizlikdə yer alıb. 15 yaşlı idmançı yarışın 1/32 final mərhələsində Niderland təmsilçisinə 4:3, 1/16 finalda Yunanıstan idmancısına 4:2, 1/8 finalda ukraynalı rəqibinə 4:1 hesabı ilə qalib gəlib. 1/4 finalda İspaniya idmançısına 1:4 hesabi ilə uduzan Mərziyyə Nurmətova qitə birinciliyini ilk səkkizlikdə başa vurub. Qeyd edək ki, bu, müstəqillik dönəmində azərbaycanlı stolüstü tennisçilərin Avropa birinciliyində göstəridiyi ən yaxşı nəticədir.

İNTİQAM Məmmədov