Voleybol

---------------

Startda AK-nin sahibi "Abşeron" ölkə çempionu "Azərreyl'dən güclü olub

Bu gün qadın voleybol klublari arasında Azərbaycan çempionatlarının Yüksək Liqasinda 2023/2024-cu illər mövsümünə start verilib. Qeyd edək ki, Bakı İdman Sarayında baş tutan mövsümün start maçında Azərbaycan çempionu adını daşıyan "Azərreyl' klubu ilə ölkə Kubokunun sahibi olan "Abşeron " qarşılaşıb. Avropa Voleybol Federasiyasınin (CEV) prezidenti və vitse-prezidenti, eləcə də Türkiyə və Bolqarıstan Voleybol Federasiyalarinin prezidentlərinin də izlədiyi bu oyunda qələbə sevincini çempion deyil, ölkə kubokunun sahibi yaşayıb. Meydana hazırkı çempion kimi çıxan "Azərreyl" rəqibdən cəmi bir set qopara bilib - 1:3(25:27, 255:23, 16:25, 20:25).

Bununla da, yeni mövsümdə ilk qələbə qazanan "Abşeron" klubu olub. Yeri gəlmişkən, cari mövsümdə medallar uğrunda bu iki klubla yanaşı, "Gəncə", "Milli Aviasiya", "Az Terminal Murov" və UNEC də mübarizə aparacaq. 

Bir məqamı da qeyd edək ki, açılış mərasimindən öncə həm CEV- in prezidenti Aleksandr Boricic, həm də TVF- nin prezidenti Akif Üstündaq Azərbaycan Voleybol Federasiyasınin prezidenti Şahin Baqirova mukafat və hədiyyə veriblər. 

İNTİQAM Məmmədov