BOKS

---------------

Daha iki boksçumuz AÇ-nın 1\4 finalına yüksəlib

Montoneqronun Budve şəhərində 22 yaşadər (U-22) boksçular arasında keçirilən və Azərbaycan boksçularının da qatıldığı Avropa çempionatı davam edir. Azərbaycan Boks Federasiyasından verilən məlumata görə, çempionatın ilk iki günü kimi, üçüncü gününü də  yığmamız üçün uğurlu hesab etmək olar. Belə ki, üçüncü gün rinqə çıxan boksçumuzun hər ikisi döyüşünü qələbə ilə başa vuraraq növbəti məhhələyə adlayıb. Onlardan 60 kq-da çıxış edən Maqsud Xasmetov bu dəfə ikinci döyüçün keçirib (1\8 finalda) və bu döyüşünü də qələbə ilə bitirərək, adlarını 1\4 finalçılar sırasına yazdırıb. Qeyd edək ki, 1\8 finalda irlandiyalı Kallum Ovensi 4:1 hesabla məğlub edən Maqsud noyabrın 16-da keçirəcəyi 1\4 final görüşündə rusiyalı Konastantin Opolski ilə qarşılaşacaq. 

AÇ-nın 3-cü günü mübarizəyə qatılan digər boksçumuz - Murad Abdullayevsə (80 kq) italiyalı Kromvell Kommeyalfredi 4:1 hesabla məğlub edərək 1\4 finala yüksəlib. Qeyd edək ki, Paris-2024 Yay Olimpiya Oyunlarına lisenziya qazanmış Murad yarımfinala çıxışda almaniyalı Delil Dadayevlə döyüşəcək. 

AÇ-nın bu günə təsadüf edən 4-cü günü daha iki boksçumuz rinqə çıxacaq. 

İNTİQAM Məmmədov