21 dekabr 2024
  1. Ana Səhifə
  2. AZpress - ÖZƏL
  1. Ana Səhifə
  2. Mədəniyyət
AZpress - ÖZƏL Mədəniyyət

Rüstəm İsmayılov: “Zəfərimiz qürurumuzdur!” elmi konfrans və sərgi keçirilib +FOTO=58

1 il əvvəl 1237

Rüstəm İsmayılov: 

“Zəfərimiz qürurumuzdur!” elmi konfrans və sərgi keçirilib

03 noyabr 2023-cü il tarixində saat 12:00-da Zəfər gününə həsr olunmuş “ZƏFƏRİMİZ QÜRURUMUZDUR!” adlı elmi konfrans və sərgi keçirilib. Elmi konfrans və sərgi Xalq rəssamı, professor, Azərbaycan Dövlət Rəssamlıq Akademiyasını rektoru Natiq Əliyevin çıxışı ilə başlayıb. Daha sonra Əməkdar incəsənət xadimi, sənətşünaslıq üzrə fəlsəfə doktoru, “İncəsənət tarixi” kafedrasının professoru Ziyadxan Əliyev “44 günlük Zəfərin bədii təcəssümü”, tarix üzrə fəlsəfə doktoru, “Humanitar və ictimai fənlər” kafedrasının dosenti Sevinc Vahabova “Zəfərimiz əbədi və tarixi qələbəmizdir” adlı mühazirələri ilə çıxış ediblər. 
Sərgidə ADRA-nın müharibədə iştirak edən tələbələrinin müharibəni əks etdirən yaradıcılıq əsərləri nümayiş olunub. Həmçinin şəhid Samir Kaçayevin əsərləri də sərgidə yer alıb. 
Həmçinin, elmi konfransda Zəfərə həsr olunmuş video çarx və “Kətan, Vətən” adlı sənədli film də nümayiş olunacaq. “Kətan, Vətən” adlı sənədli film Azərbaycan Telefilm yaradıcılıq birliyi tərəfindən çəkilmişdir. Filmdə Birinci və İkinci Qarabağ müharibəsinin iştirakçıları olmuş dörd rəssamın – Tərlan Eyvazov, İntiqam Ağayev, Cavidan Rəhmətov, Fərid Məmmədovun döyüş xatirələrindən, müharibəyə insani və yaradıcı münasibətlərindən bəhs olunur. O cümlədən filmin sonunda dörd rəssamın birgə təsvir etdikləri 6 metrlik kətan üzərində “Zəfərə gedən yol” adlı panno nümayiş olunur. Sənədli filmin ssenarist-rejissoru Rövşən Nicat, layihə rəhbəri Elçin Musaoğlu, quruluşçu operatoru Elxan Rüstəmovdur.
“ZƏFƏRİMİZ QÜRURUMUZDUR!” adlı elmi konfrans və sərgi Azərbaycan Dövlət Rəssamlıq Akademiyasının Sərgi-muzey kompleksinin II mərtəbəsində keçirilib.

   

Əlaqəli Xəbərlər

SOSİAL ŞƏBƏKƏLƏRDƏ BİZİ İZLƏYİN

<