Böyük rus dramaturqu A.N.Ostrovskinin 200 illik yubileyinə həsr olunmuş videoçarx hazırlandı

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanası böyük rus dramaturqu A.N.Ostrovskinin 200 illik yubileyinə həsr olunmuş videoçarx hazırladı.
Videoçarx M.Ş.Vazeh adına Mərkəzi Kitabxananın Fəxri oxucusu, publisist-politoloq Reyhan Mirzəzadənin  A.N.Ostrovskinin 200 illik yubileyinə həsr etdiyi “Bəşəriyyətə şölə saçan teatr günəşi” adlı kitabı əsasında hazırlanıb. Videoçarxın əvvəlində məşhur dramaturqun şəkillərini və özü haqqında söylədiyi fikirləri yer alıb. 
A.N.Ostrovskinin “Günahsız müqəssirlər”, “Tufan”, “Cehizsiz qız”, “Gözəl kişi” və digər əsərlərinə qoyulmuş teatr tamaşalarının afişalarını və tamaşaların bəzi fotoşəkillərini görmək olur. Sonra böyük dramaturq haqqında məşhurların: C.Məmmədquluzadənin, S.Vurğunun, M.Arifin, A.L.Şteynin söylədikləri fikirləri verilib. 
Videoçarx kitabın müəllifi, politoloq-publisist Reyhan Mirzəzadənin dramaturq haqqında söylədiyi “Ostrovskinin həyatı və zəngin yaradıcılığı öz xalqına, həm də bəşəriyyətə sədaqətlə xidmətin əvəzolunmaz nümünəsidir” fikirləri ilə sonlandırılıb.
Videoçarx N.Rimski-Korsakovun A.N.Ostrovskinin “Qar qız” əsərinə bəstələdiyi musiqisi ilə nümayiş olunur.