Ərinə dezodorantda narkotik keçirmək istədi
Azərbaycan Ədliyyə Nazirliyi Penitensiar Xidmətinin əməliyyat aparatı Bakıdakı 2 saylı İstintaq Təcridxanasına psixotrop maddənin keçirilməsi cəhdinin qarşısını alıb.
Bu barədə idarənin mətbuat xidməti məlumat yayıb.
Keçirilən əməliyyat-axtarış tədbirləri zamanı məhkum Nəsimi Mustafayevin həyat yoldaşı tərəfindən narkotik vasitələrin qaçaqmalçılıq yolu ilə keçirilməsi cəhdinin qarşısı alınıb. Əməliyyatçılar həmin şəxs üçün nəzərdə tutulmuş bağlamaya baxış keçirərkən tərəleyhinə paketin içərisindən ehtiyatla gizlədilən, çəkisi 0,502 qram olan metamfetamin aşkar ediblər.
Bu hadisə ilə bağlı araşdırma aparılır.
