Dani Alves zorlama ittihamlarından bəraət aldı

"Barselona"nın keçmiş müdafiəçisi Dani Alveş zorlama ittihamı ilə bəraət alıb.

20 yanvar 2023-cü ildə Braziliya millisinin keçmiş oyunçusu cinsi təcavüzdə şübhəli bilinərək həbs edilib. O, gecə klubunda qıza təcavüz etməkdə ittiham olunub.

2024-cü ilin martında Alves təqsirli bilinərək 4,5 il həbs və əlavə 5 il sınaq müddətinə məhkum edilib. Futbolçunun tərəfi qərardan apellyasiya şikayəti verib. Martın sonunda o, 1 milyon avro girov müqabilində sərbəst buraxılıb.

Kataloniya Ali Məhkəməsi işə baxıb və sübut olmadığı üçün birinci instansiyanın hökmünü ləğv edib. Hökmdə qeyd olunur ki, mövcud faktlar təqsirsizlik prezumpsiyasını nəzərə almamaq üçün kifayət deyil.

Məhkəmə cəzanın 9 ilə qaldırılmasını istəyən prokurorun, cəzanın 12 ilə qaldırılmasını istəyən zərərçəkmişin apelyasiya şikayətini təmin etməyib.