Rusiya üç moldovalı diplomatı ölkədən çıxarır

Üç rus diplomatının Moldovadan qovulmasına cavab olaraq Moskva bu ölkənin Rusiyadakı səfirliyinin üç əməkdaşını personae non-qrata elan edib.

Bu barədə Rusiya Xarici İşlər Nazirliyinin Moldovanın Moskvadakı səfiri Lilian Darinin diplomatik nümayəndəliyə çağırılması ilə bağlı açıqlamasında bildirilir.

"Dariyə Rusiya Xarici İşlər Nazirliyindən nota verilib ki, Rusiya tərəfi qarşılıqlı prinsip əsasında Moldovanın Rusiyadakı səfirliyinin üç əməkdaşını persona non-qrata elan edir. Onlar ölkəmizi tərk etməlidirlər", - nazirlik bildirib.

Xarici İşlər Nazirliyi qeyd edib ki, Rusiya diplomatik missiyasını Moldovanın daxili işlərinə qarışmaqda ittiham etmək cəhdlərinin heç bir əsası yoxdur.