MAİS İBRAHİMOV:

Ağcabədili el şairi Həsən Küskünün yaradıcılıq gecəsi keçirilmişdir

Bu günlərdə YAP Ağcabədi rayon təşkilatının inzibati binasında “Heydər Əliyev ili” çərçivəsində Azərnaycan Yazıçılar Birliyi Qarabağ Bölməsi və YAP Ağcabədi rayon təşkilatının birgə təşkilatçılığı ilə tanınmış el şairi Həsən Küskünün yaradıcılığına həsr olunmuş tədbir keçirilib. 
Azpress.AZ- ın bölgə müxbiri xəbər verir ki, yığıncaqda alimlər, şair və yazıçılar, mədəniyyət, təhsil işçiləri,Qarabağ müharibəsi veteranları ,şəhidailələrinin üzvləri,ziyalılar,tələbələr,şagirdlər,şairin doğmaları,media mənsubları iştirak ediblər.
Tədbir giriş sösi ilə Azərbaycan Yazıçılar Birliyi Qarabağ Bölməsinin sədr müavini Yəhya Paşazadə açaraq qonaqları salamlayıb. 
Ulu Öndər Heydər Əliyevin və azərbaycanın azadlığı və müstəqilliyi uğrunda şəhidlərimizin xatirəsi bir dəqiqəlik sükutla yad edilib.
Tarix üzrə fəlsəfə doktoru,dosent Əlizadə Nəcəfov məşhur el şairi Həsən Küskünün həyat və yaradıcılığı haqqında yığıncaq iştirakçılarına ətraflı məlumat verib,tədbirin mühüm əhəmiyyət kəsb etdiyini vurğulayıb. 
YAP Ağcabədi rayon təşkilatının sədr müavini Nazim Bünyadov çıxış edərək 2023-cü ilin “Heydər Əliyev ili” elan edilməsi ilə əlaqədar YAP Ağvabədi rayon təşkilatının tərtib etdiyi tədbirlər planında Ağcabədi rayonu ilə bağlı tarixi günlərin, yaradıcı ziyalıların, elm, mədəniyyət və incəsənət xadimlərinin, yazıçı və şairlərin yaradıcılığına həsr edilmiş tədbirlərin keçirilməsi nəzərdə tutulmuşdur. Bu günkü tədbir də Ağcabədili el şairi Həsən Küskünün yaradıcılığına həsr edilmiş həmin tədbirlərdən biridir. Çox yaxşı haldır ki, YAP Ağcabədi rayon təşkilatı ilə Azərbaycan Yazıçılar Birliyinin Qarabağ Bölməsi ilə yaxından əməkdaşlığımız nəticəsində birgə tez-tez tədbirlər keçirilir.Bu gün şeirləri xalq arasında dillər əzbəri olan, qəzəlləri məşhur xanəndələr tərəfindən sevilə-sevilə ifa edilən Həsən Küskünün yaradıcılığına həsr edilmiş bu yaradıcılıq  gecəsi çox əlamətdar bir tədbirdir. 
ADPU Ağcabədi filialının  kafedra müdiri,filologiya üzrə fəlsəfə doktoru,dosent Vaqif Allahnerdiyev,tanınmış ziyalı,tərəqqi medallı Əli Bədəlov,Ağcabədi Rayon Ağsaqqallar Şurasının sədr müavini Taryel Əsədov,AYB üzvü şair Zahid Avşar Eloğlu, şair İslam Kəbirli, yazıçı Şirxan Aranlı, yazıçı-publisist Eldar Qarqarçay,şair, yazıçı-publisistAdil Misirli, əməkdar müəllim Zəhra İbrahimova, şairin keçmiş iş yoldaşları Asif İsmayılov,Xanlar Qasımov və başqaları çıxış edərək,Həsən Küskünün yaradıcılığı haqqında ürək sözlərini,xoş xatirələrini bölüşüb,onun xatirəsinin əbədiləşdirilməsi üçün təkliflərini səsələndiriblər.
Sonra şairin qızı həkim Gülşən Hüseynova tədbirin təşkilatçılarına ailəsi adından təşəkkürünü və minnətdarlığını bildirib.
Tədbirdə ADPU Ağcabədi filialının tələbələri və şair Həsən Küskünün  nəvələrinin təqdim etdikləri şeir və çıxışlar iştirakçılar tərəfindən alqışlarla qarşılanıb.