Kitabxanaçılar fərdi işlə məşğul olan keramika ustası, rəssam və heykəltəraşla görüşdülər

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin (MKS) M.Ş.Vazeh adına Mərkəzi Kitabxanasının əməkdaşları keramika ustası, rəssam və heykəltəraş Mir Teymur Məmmədovun İçərişəhərdəki evinidə görüş keçirdilər.

Kitabxananın əməkdaşları Təranə İsgəndərova, Gülnar Allahverdiyeva, Elvira Məmmədova və Elnarə Qarayeva keramika ustası, rəssam və heykəltəraş Mir Teymur Məmmədovun İçərişəhərdə yerləşən rənglərin harmoniyası ilə vəhdət təşkil edən keramikalarla bəzədilmiş evinə gələrək onun yaratdığı sənət əsərləri ilə tanış oldular.  Ömrünün 25 ilini həyətinin keramikalarla bəzədilməsinə sərf edən heykəlrəraş bildirdi ki, bu divarlar özündə dərin bilgi ehtiva edir. Burada işlənən keramikalar  98 müxtəlif  gil növündən hazırlanıb.

Daha sonra heykəltəraş Mir Teymur Məmmədov kitabxananın əməkdaşlarını emalatxanası ilə də tanış etdi. O, keramikadan hazırladığı “Xocalı”, “Yeddi günah”, “Şan- şöhrət sevən”, “Üç dialoq”, “Tanrı nişanları”, “Qadın falos”, “Reaksiya”, “Böhtan” və digər kompozisiyalar haqqında məlumat verdi.  Heykəltəraş hazırladığı sənət əsərlərində ən çox qədim türk tamqalarına yer verdiyini vurğuladı.

Sonda rəssam Mir Teymur Məmmədov keramikadan hazırladığı əl işlərindən  kitabxana əməkdaşlarına hədiyyə etdi və onlar öz təəssuratlarını ustadın xatirə kitabında qeyd etdilər.