“Qadınlara qarşı zorakılıq ailəni və ailə dəyərlərini sarsıdır”

layihəsi üzrə regional təlimlər davam etdirilir

Beynəlxalq Hüquq Assosiasiyası İctimai Birliyi, Demokratik İslahatlar və Hüquq İctimai Birliyi, Azərbaycan Maarifçi Gənclər Təşkilatı İctimai Birliyi, Turizmin İnkişafına Kömək İctimai Birliyindən ibarət koalisiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qadınlara qarşı zorakılıq ailəni və ailə dəyərlərini sarsıdır” layihəsi üzrə növbəti regional təlim  14 iyul 2023-cü il tarixdə Tovuz  rayonunda keçirilmişdir. 
Təlimə, Tovuz şəhərindən, Tovuz rayonu Bozalqanlı, Abulbəyli, Aşağı Öysüzlü, Yixarı Öysüzlü,  Xatınlı,  Qaraxanlı, Əyyublu, Çatax kəndlərindən iştirakçılar,Tovuz Rayon Gigiyena və Epidemiologiya Mərkəzinin, Tovuz rayon Mədəniyyət Mərkəzinin, Tovuz Rayon Tarix-Diyarşünaslıq Muzeyinin əməkdaşları dəvət olunmuşdur. Təlimə daha çox məişət zorakılığı halları ilə qarşılaşan və ya belə risk altında olan və əhali ilə sıx işləyən şəxslər dəvət olunmuşdur. 
 Təlimdə məişət zorakılığının növləri, səbəbləri, Tovuz rayonunda daha çıx rast gəlinən erkən nikahlar və nişanlanmalar, qadınlara və uşaqlara qarşı zorakılıq, ailədə iqtisadi zirakılıq, ehtiyaclara etinasızlıq, qadınların işləməyə qoyulmaması, evdən tək hara isə getməsinə icazə verilməməsi və qadınların bununla razılaşmasının güzgün olmaması, məişət zorakılığı hallarının gizlədilməsinin onunla mübarizəyə maneçilik törətməsi, məişət zorakılığının ailə dəyərlərini sarsıtması, məişət zorakılığı hallarınıın gizlədilməsinin səbəbləri və onların əsassız olması, məişət zorakılığı qurbanlarının müdafiəsində konfidensiallıq, dövlət orqanlarının imkanları, zorakılıq hallarında müraciət ünvanları barədə geniş biliklər verilmişdir. Təlimin iştirakçılarına  qadınlara qarşı zorakılıq hallarının müəyyən edilməsi, əlamətləri və digər məsələləri əhatə edən “Qadınlara qarşı zorakılıq ailəni və ailə dəyərlərini sarsıdır” adlı kitabça  və bukletlər paylanılmışdır. Təlimin iştirakçıların xırda hədiyyələr şarflar və yaylıqlar paylanılmış, müzakirələr çay süfrəsi arxasında davam etdiriilmişdir. Təlimin sonunda  iştirakçıların konfidensial müraciətləri üzrə məsləhətlər verilmişdir. 

Layihənin rəhbəri  Mərhəmət Əsgərova