GÜLƏŞ

-----------------

Gənc pəhləvanların dünya çempionatı keçiriləcək

UWW Azərbaycanı mundialın favoritlərindən biri kimi dəyərləndirib 

Avqustun 14-də Ammanedə (İordaniya) 20 yaşlı (U-20) gənclər arasında güləş üzrə dünya birinciliyinə start veriləcək. Bu arada Dünya Güləş Birliyi (UWW) həmin çempionata qatılacaq Azərbaycan komandasını yüksək dəyərləndirib. Sözügedən qurum bu çempionatda Azərbaycan komandasının İran, ABŞ və Hindistan komandası ilə başbaşa gələrək komanda hesabında birinci yer uğrunda mübarizə apara biləcəyini qeyd edib. Dünyanın Ali Güləş təşkilatı hətta güləşçilərimizdən Yusif Dursunovun, Ruslan Abdullayevin və Zəfər Əliyevin ən yaxşılardan olduğunu da elan edib. 

Qeyd edək ki, ölkəmiz bu mundialda hər 3 növdə (sərbəst, qadın və yunan-Roma güləşi)  olmaqla 22 güləşçi ilə təmsil olunacaq. Sərbəst güləş yarışında Ruslan Abdullayev (57 kq), Musa Ağayev (61 kq), Ramik Heybətov (65 kq), Cavidan Əhmədov (70 kq), Namus Orucov (74 kq), Əli Tsokayev (79 kq), Təbriz Bayramov (86 kq), Rəvan Musayev (92 kq), Zəfər Əliyev (87 kq) və Yusif Dursunov (125 kq) mübarizə aparacaq. 

Qadın güləşində ölkəmizi Elvina Kərimzadə (50 kq), Gültəkin Şirinova (53 kq) və Əsmər Canqurtaran (55 kq) təmsil edəcək.

Yunan-Roma güləşində isə Elmir Əliyev (55 kq), İlkin Qurbanov (60 kq), Fəraim Mustafayev (63 kq), Kənan Abdullazadə (67 kq), Ruslan Nurullayev (72 kq), Davud Məmmədov (7 kq). İsmayıl Rzayev (82 kq), Əli Quliyev (87 kq) və Məzaim Mərdanov (130 kq) mübarizə aparacaq. 

İNTİQAM Məmmədov