ŞAHMAT

------------------------

Bakıda şahmatçıların Dünya Kuboku davam edir

Azərbaycanlı qrossmeyster Nicat Abasov DK-nın yarımfinalında Maqnus Karlsenlə qarşılaşacaq

İyulun 29-da Bakıda startı verilən və iddiaçılar turnirinə seçmə xarakteri daşıyan şahmat üzrə Dünya Kuboku davam edir. 309 (206 kişi və 103 qadın) şahmatçının mübarizyə qatıldığş və mükafat fondu 2,5 milyon (kişilər 1.834.000 dollar, qadınlar 675.250 dollar) dolar təşkil edən DK-da bu gün baş tutan tay-brek oyunlarla 1\4 final mərhəyə yekun vurulub və bununla yarışfinalçılar müəyyənləşib. Sevindirici haldır ki, yarımfinalçılar arasında həmyerlimiz Nicat Abasov da yer alıb. O, 1\4 finalda hindistanlı Santoş Viditi məğlub edib (1,5:0,5). Bu mərhələnin daha bir qarşılaşmasında eks-dünya çempionu Mqnus Karlsen (Norveç) Domaracu Qukeşi (Hinmdistan) məğlub edib - 0,5:0,5 (1,5:0,5). 

Avqustun 19-da isə DK-da yarımfial qarşılaşmalına start veriləcək.Həmin gün həmyerlimiz qara fiqurlarla Karlsenə qarşı oynayacaq. Ertəsi günisə o, ağ fiqurlarla mübarizəni davam etdirəcək. Əgər bu iki oyunda cütün qalibi aşkar edilməzsə, onda avqustun 21-də tay-brek olacaq. Digər yarımfinal matçında isə Fabiano Karuana (ABŞ) hindistanlı Rameşbabu Praqqnanandxa ilə qarşılaşacaq. 

Qadınların analoji yarışında isə artıq yarımfinal oyunları başa çatıb. Oyunların nəticəsi belədir: 

Nurgül Səlimova (Bolqarıstan) - Anna Muzıçuk (Ukrayna) - 2,2:1,5;

Aleksandra Qoryaçkin (FİDE) - Tan Jonqi (Çin) - 1,5:0,5. Qadınlar yarışında final qarşılaşmaları 19-21 avqust günlərində olacaq. 

Qeyd: Kişilər mübarizəyə 1\128, qadınlarsa 1\64 finaldan başlayıblar. Həm kişilərin, həm də qadınların yarışında ilk 3 yeri tutan Dünya Şahmat Tacı uğrunda keçiriləcək iddiaçılar turnirinə vəsiqə qazanacaq. 

İNTİQAM Məmmədov