Muğam – milli-mənəvi dəyərimizdir

Bakı Şəhər Mədəniyyət Baş İdarəsi Yasamal rayon MKS-nin M.Ş.Vazeh adına Mərkəzi Kitabxanasının Oxuculara xidmət şöbəsi 26 avqust – Beynəlxalq Azərbaycan Muğam Gününə həsr olunmuş “Muğam – milli-mənəvi dəyərimizdir” adlı tədbir keçirdi.  
MKS-nin direktoru Lətifə Məmmədova tədbir iştirakçılarını salamladı və çıxışında bu qiymətli sərvətin təkcə Azərbaycan xalqının deyil, bütün bəşəriyyətin misilsiz mədəni sərvətinin ayrılmaz hissəsi kimi qiymətləndirilməsindən, ənənəvi olaraq Heydər Əliyev Fondunun təşəbbüsü ilə Azərbaycanda Beynəlxalq muğam festivallarının keçirilməsindən danışdı və bildirdi ki, muğamlarımız dərin fəlsəfi məzmuna malikdir, onun bir janrı da simfonik muğamdır, əsası dahi bəstəkarımız Üzeyir Hacıbəyli tərəfindən qoyulmuşdur.
Abonement bölməsinin müdiri Lalə Səlimova çıxış edərək milli-mənəvi sərvətimiz olan Azərbaycan muğamının yaranma tarixi haqqında məlumat verdi. Sonra Oxuculara xidmət şöbəsinin müdiri Yeganə Qafarova Azərbaycanda muğamın geniş yayılması haqqında məlumat verdi.  Çıxış üçün söz alan qonaqlar  Şəhla Vəliyeva, Raya Məmmədova, Mələk Nəcəfzadə, Tünzalə Nəsirova bütün türk dünyasına xas olan muğamın vətəninin Azərbaycan olduğunu, bizi həyatımızın əvvəlindən sonuna qədər müşaiyət etdiyini və insana ruhi saflıq və ucalıq bəxş etdini söylədilər.
Kitabxananın Fəxri oxucusu, xanəndə Maya Cəbrayılova Azərbaycan muğamları haqqında tədbir iştirakçılarına maraqlı məlumatlar verdi.
Tədbirin bədii hissəsində muğam ifaçısı, tanınmış xanəndə Maya Cəbrayılova müxtəlif növ muğamlar ifa etdi.
Tədbirin sonunda  muğamla bağlı maraqlı diskussiya keçirildi.