VOLEYBOL

---------------------

Qadın voleybol yığmamız Avro-2023-də mübarizəni dayandırıb 

Avqustun 15-də Almaniya, Belçika, İtaliya və Estoniyada qadın voleybolçular arasında startə verilən Avropa çempionatında (Avro-2023) qrup mərhələsinə yekun vurulub. Qeyd edək ki, Almaniya, Türkiyə, Çexiya, Yunanıstan və İsveçlə birlikdə çempionatın C qrupunda yer alan Azərbaycan komandası yarışa sürpiriz nəticə ilə (3:0 hesablı qələbə) başlasa da, bu uğurlu çıxışını sona qədər davam etdirə bilməyib. Nəticədə də baş məşqçisi türkiyəli mütəxəssis Ataman Gileylioğlu olan Azərbaycan yığması AÇ-da mübarizəni elə qrup mərhələsindəcə dayandırıb. Xatırladaq ki, yığmamız startda Çexiyanı 3:0 hesabla məğlub etdikdən sonra ardından Almaniya və Türkiyəyə müvafiq olaraq, 3:1 və 3:0 hesabla məğlub olub. 4-cü turda Yunanıstan üzərində dramatik bir qələbə qazanan (3:2) yığmamız təəssüflər olsun ki, 5-ci turda İsveçə qarış keçirilən və onun üçün taleyüklu olan son oyunda 1:3 hesablı məğlubiyyətlə üzləşib. Bundan sonra yığmamızın qrup mərhələsini kecib keçməyəcəyi Çexiya - İsveç matçının nəticəsindən asılı olub. Həmin oyunda isveçlilər udacağı təqdirdə yığmamız qrup mərhələsini ilk dördlükdə başa vuracaqdı ki, bu da yığmamıza növbəti mərhələyə adlamaq imkanı verəcəkdi. Amma hec də hər şey bizim arzuladlığımız kimi olmayıb. Yığmamızın startda 3:0 hesabla məğlub etdiyi Çexiya millisi yığmamızı 1:3 hesabla məğlubiyyətə uğradan İsveç milisi üzərində quru hesablı (3:0) qələbə qazanıb. Bu nəticə isə hər iki komandaya növbəti mərhələyə adlamaq imkanı verdiyi halda Azərbaycan yığmasını mübarizəni dayandırmağa məcbur edib. Beləliklə də yığmamız Avro-2023-ü 2 qələbə və 3 məğlubiyyətlə başa vurub. Yığmamızın yer aldığı A qrupunun bütün oyunları Düsseldorfda (Almaniya) keçirilib. 

C qrupunda yekun turnir cədvəli: Тürkiyə (5 oyun) – 15 xal (15-1), Çexiya (5) – 8 (10-8), Almaniya (5) – 7 (9-10), İsveç (5) – 6 (7-11), Аzərbaycan (5) – 5 (8-11), Yunanıstan (5) – 4 (5-13).

 İNTİQAM Məmmədov