BASKETBOL

----------------------------

"Sabah" FİBA Avropa Kubokunun hazırlığna başlayıb 

"Sabah" Basketbol Klubu FIBA Avropa Kubokunun təsnifat mərhələsinə hazırlıq prosesinə başlayıb. Azərbaycan Basketbol Federasiyasındabn verilən məlumata görə, klub FİBA Avropa Kubokunun 2023/2024-cü illər mövsümündə təsnifat mərhələsinin oyunlarına hazırlığı Serbiyanın paytaxtı Belqradda başlayıb. Qeyd edək ki, sentyabrın 18-nə kimi Belqradda olacaq komandamız toplanış müddətində 6 yoldaşlıq görüşü keçirməyi də planlaşdırıb. Həmin oyunlardan biri artıq baş tutub. Serbiyanın Vrsac şəhərinin eyniadlı klubu ilə "Millenium" arenada qarşılaşan "Sabah" 3 hissəli oyunda meydanı məğlub durumda tərk edib - 57:62.

Yeri gəlmişkən, "Sabah" FİBA Avropa Kuboku yarışlarının A qrupunda yer alıb. Artıq "Sabah"ın qrup rəqibləri də qrupda keçirəcəyi oyunların vaxtı da müəyyənləşib.

A qrupu:

1. "Donar Qroningen" (Niderland)

2. "Rabotniçki Skopye" (Şimali Makedoniya)

3. "Rapid Buxarest" (Rumıniya)

4. "Sabah" BK (Azərbaycan)

Qrup mərhələsinin oyunları 2-5 oktyabrda Skopyedə yerləşən "Kale Arena"da keçiriləcək. Reqlamentə əsasən qrup qalibi FİBA Avropa Kubokunun müntəzəm çempionatına vəsiqə qazanacaq.

İNTİQAM Məmmədov