Futbol

---------------

Karlo Ançelotti "Real"da qələbə sayına görə Zinədin Zidanı qabaqlayıb

İspaniya La Liqasında baş tutan 5-ci tur həm  Madrid "Real"i, həm də klubun italiyalı baş məşqçisi Karlo Ançelotti üçün əlamətdar hadisə ilə yadda qalıb. Belə ki, Madrid təmsilçisi yeni mövsümün geridə qalan beşinci turda da qələbə qələbə seriyasını davam etdirib. Klubun baş məşqçisi Karlo Ançelotti isə "Real"la 173-cu qələbəsini qazanıb. Bu qələbə sayəsində Ançelotti klubun sabiq çalışdırıcısı Zinədin Zidanı say hesabında geridə qoyub. 

Maraqlıdır ki, italiyalı mütəxəssis özü də Zindanı bu göstərici ilə qabaqladiqini və bundan məmnun olduğunu dilə gətirib. "Qələbələrin sayına görə Zidanı baş məşqçi postunda qabaqlamaq mənim üçün böyük şərəfdir. Mən indi çox xoşbəxtəm. Bu əlamətdar hadisəni arvadımla çaxır badəsl qaldıraraq bayram etməyə hazırlaşıram" - Ançelotti belə deyib.

Qeyd edək ki, Karlo Ançelotti "Real" əldə etdiyi 173 qələbədən 112-ni La Liqada, 36-ni UEFA CL-da, 17-ni İspaniya Kubokunda, 4-nu klublararası dünya çempionatında, 2-ni Avropa Superkubokunda, 2-ni isə İspaniya Superkubokunda qazanıb.

Bir məqamı da qeyd edək ki, qələbə sayına görə sabiq baş məşqçi Miqel Munyos birincidir. O, "Real"a 357 qələbə qazandırıb. 

Yeri gəlmişkən, Madrid klubunun qarşıda iki mühüm oyun gözləyir. CL-da "Union"la (Almaniya) və "Atletiko" ilə derbibi .

İNTİQAM Məmmədov