FUTZAL

-------------

Azərbaycan komandası Hollandiya millisini darmadağın edib

Yığmamız qonağı 36 dəqiqədə 6 dəfə cəzalandırıb

Sentyabrın 20-də Azərbaycanın futzal üzrə yığması DÇ-2024-un elit-raund mərhələsinin qrup oyunları çərçivəsində ikinci oyununu keçirib. Bakı İdman Sarayında Hollandiya millisini qəbul edən Azerbaycan qonağı sözün əsl mənasında darmadağın edib. Elit-raund mərhələsi çərçivəsində ilk ev oyununu keçirən yığmamız 36 dəqiqə ərzində rəqibin qapısına 6 qol vurub. Qonaqlar yalnız 37-ci dəqiqədə bu qollardan birini əvəzini çıxa biliblər. Azərbaycan komandasından Viella (2 və 19- cu dəqiqə) və Felipinyo (18 və 36-ci dəqiqə) dubl edib. Qallo (8-ci dəqiqə) ilə Maneka (15-ci dəqiqə) hərəyə bir qola imza atıb. Qonaq komandanın yeganə təsəlli qolunu isə Buzit (37-ci dəqiqə) vurub.

Azərbaycan komandasınin yer aldiqi qrupda keçirilən digər oyunda isə Qazaxıstan evdə Rumıniyanı məqlub edib - 4:3. 

Xatırladaq ki, birinci turda Azərbaycan komandası səfərdə Rumıniyaya məqlub olmuşdu - 3:1. Qazaxıstan isə ilk turda Hollandiyanı səfərdə iki cavabsız qolla üstələmisdi. 

Yeri gəlmişkən, yığmamız növbəti matçını oktyabrın 6-da Bakı İdman Sarayında Qazaxıstana qarşı keçirəcək. 

Hazırda qrupda vəziyyət belədir: 

Qazaxıstan - 6 xal, Rumıniya, Azərbaycan - hərəyə 3 xal, Hollandiya - 0 xal. 

İNTİQAM Məmmədov