GÜLƏŞ

----------------

Murad Məmmədov və Həsrət Cəfərov DÇ-2023-ün yarımfinalında

Serbiyanın paytaxtı Belqradda idman güləşi üzrə keçirilən və Azərvaycan idmançılarının da iştirak etdiyi Olimpiya təsnifatlı dünya çempionatı artıq finişə yaxınlaşır. Bu gün çempionatda son 3 güləşçimiz - Murad Məmmədov (60 kq), Həsrət Cəfərov (67 kq) və İslam Abbasov (87 kq) mübarizəyə qatılıb. Triomuzdan Məmmədovla Cəfərov mundialın yarımfinalına yüksəldiyi halda. Abbasov mübarizəni 1\8 finalda dayandırıb. 

63 kq: İlk görüşdə ABŞ təmsilçisi Xavyer Consonu (3:1) məğlub edən Murad Məmmədov 1\4 finala yüksəlib və burada erməni Qraçyu Poqosyanı (3:1) üstələyərək yarımfinala yüksəlib. 

67 kq: Bu çəkidə cıxış edən təmsilçimiz Həsrət Cəfərov startda meksikalı Edson Qutyeri (8:0) məğlub edərək 1\8 finala yüksəəlib və burada macar güləşçi İştvan Vançanı (5:1) üstələyib. 1\4 isə iranlı Moxamedrza Qeraini (10:0) məğlub edən Cəfərov adını yarımfinala yazdırıb. 

87 kq:  Təəssüflər olsun ki, bu cəki dərəcəsində döşəyə çıxan və mütəxəsislərin böyük ümid bəslədiyi İslam Abbasov iki qələbədən sonra yüksəldiyi 1\8 finalda macarıstanlı David Losonçi (0:8) ilə bacarmayıb. 

Qeyd edək ki, Azərbaycan yığması bu günədək 2 qızıl və 3 gümüş medal və eləcə də iki lisenziya qazanıb. Bunlardan 2 gümüş medal və 1 lisenziya sərbəst güləşçilərin payına düşür. 

İNTİQAM Məmmədov