VOLEYBOL

----------------------

"MUROV AZ TERMİNAL" Avropa Kubokunun ilk qalibidir 

Bu il ilk dəfə olaraq çimərlik voleybolu üzrə ilk dəfə olaraq kişi və qadınlar arasında Avropa Kuboku (Beach Volley European Cup) keçirilib. Sözügedən turnirdə Azərvaycan "MUROV AZ TERMİNAL" kiçi voleybol klubu və qadınlardan ibarət "Azərreyl" təmsil edib. Sevindirici haldır ki, ilk dəfə keçirilən və Türkiyənin ev sahibliyi etdiyi bu Avrokubok turnirində kişilərin yarışyarışnın qalibu "MUROV AZ TERMİNAL" klubu olub. Qeyd edək ki, heyətində eks-dunya çempionu, Olimpiada-2020-nin ikincisi, Avropa çempionu adını daşıyan Oleq Stayanovski, AC- nin ikincisi olan İlya Leşikov, Vadim Kutukov, Vüqar Bayramov, Ülvi Rəcəbli və Heydər Məmmədlinin yer aldığı "MUROV AZ TERMİNAL" klubu həlledici finalda yerli "TVF Spor Lisesi SK Ankara" ilə qarşılaşıb. Komandalar arasında keçirilən iki oyundan birində ev sahibləri, ikincisində isə Azərbaycan təmsilçisi qələbə qazanıb. Kubokun qalibi isə qızıl setdə müəyyənləşib. 15:10 hesabı ilə qalib olan "MUROV AZ TERMİNAL" Avropa Kubokunun sahibi olub.

Beləliklə, təmsilçimiz çimərlik voleybolu tarixində ilk dəfə keçirilən Avropa Kubokunun (Beach Volley European Cup) ilk qalibi kimi tarixə düşüb. Qeyd edək ki, "MUROV AZ TERMİNAL" çimərlik voleybolunda Azərbaycana CEV-in təşkilatçılığı ilə keçirilən yarışlarda ilk qızıl medalı qazandırıb. Çümpion komandamız bu axşam Vətənə dönəcək.

Qadınların analoji turnirində çıxış edən "Azərreyl" klubu isə çıxışını 7-ci yerdə başa vurub. 

Yeri gəlmişkən, ilk dəfə keçirilən bu turnirin mukafat fondu 10 min dollar təşkil edir.

İNTİQAM Məmmədov