FUTZAL

---------

Azərbaycan yiqmasi Qazaxıstana yenə uduzub

Bu gün futzal üzrə DC-2024-un elit- raund mərhələsində sayca 4-cu turun oyunları keçirilib. Turnirin A qrupunda yer alan Azərbaycan komandası səfərdə Qazaxıstanın qonağı olub. Qeyd edək ki, oktyabrın 6-da Bakıda üçüncü tur çərçivəsində keçirilən oyunda (2:4) olduğu kimi, bu gün Astanada ki "Jekpe-Jek" idman arenasında baş tutan oyunda da millimiz məğlubiyyətlə üzləşib - 3:2. 

Maraqlıdır ki, Azərbaycan oyunun əvvəlində 0:2 hesabla öndə olsa da, sonda meydanı məğlub durumda tərk edib. Yeri gəlmişkən, yığmamızın üzvü  Amadeu (4-cu dəq.) və Qallonun (9-cu dəq.) vurduğu qollara ev sahibləri Leo (23&cu dəq.), Orozov (28-ci dəq.) və Duqlas (22-ci dəq.) hərəyə bir qolla cavab verib. Bununla da Azərbaycan yığması 4 oyunda 3-cu dəfə məğuibiyyətlə üzləşib. 

Bu gün A qrupunda keçirilən digər oyunda isə Hollandiya evdə Rumıniya ilə sülh bağlayıb - 1:1. 

Xatırladaq ki, Azərbaycan komandası startda Rumıniyaya səfərdə 1:0 hesabla uduzandan sonra evdə Hollandiyanı darmadağın etmişdi - 6:1.

Hazırda A qrupunda vəziyyət belədir:

Qazaxıstan  4 4 0 0 13-7 12

Rumıniya  4 2 1 1 9-2 7

Azərbaycan  4 1 0 3 11:11 3

Hollandiya  4 0 1 3 3-11 1.

İNTİQAM Məmmədov