CÜDO

------------

Yeniyetmə cüdoçularımız Avropa Kubokunda 

21-22 oktyabr günlərində Latviyanın paytaxtı Riqa şəhərində Avropa Cüdo Birliyinin təşkilatçılığı ilə yeniyetmələr arasında Avropa Kuboku keçiriləcək. Azərbaycan Cüdo Federasiyasından verilən məlumata görə, iki gün davam edən turnirdə ölkəmiz də daxil olmaqla 22 ölkəni təmsil edən 314 idmançı tatami üzərinə çıxaraq, medallar uğrunda mübarizə aparacaq. Azərbaycan bu yarışa 7 müxtəlif çəki dərəcəsində 16 cüdoçu ilə qatılacaq. Komandamıza yeniyetmələrdən ibarət komandanın baş məşqçisi Rüstəm Alimli, yeniyetmələrdən ibarət komandanın məşqçiləri Nicat Şıxəlizadə və Emin İskəndərov rəhbərlik edəcək.

Avropa Kubokunda çıxış edəcək komandamızın heəti belədir:

Bahadır Feyzullayev, Rüstəm Qasımzadə (hər ikisi 50 kq), Telman Abdullayev,

Nihad Məmişov (hər ikisi 55 kq), Mirxaliq İskəndərov, Əhməd Rüstəmov (hər ikisi 60 kq), Ümüd Qurbanov. Səid Şərifov, Səlim Sultanov (hamısı 66 kq), Cəsur İbadlı, Əhməd Mehdiyev (hər ikisi 73 kq), Mehdi Abbasov, Hüseyn Eyvazlı, Əli Qazıməmmədov (hamısı 81 kq), Rəsul Səmədli və Sübhan Axundov (hər ikisi +90 kq).

Qeyd edək ki, yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Akif Tahirov və “B” kateqoriyalı beynəlxalq dərəcəli hakim Bəhriyyə Hüseynova ədalət təmsilçiləri arasında yer alacaq.

İNTİQAM Məmmədov