Futbol

-----------

"Qarabağ" evdə "Bayer"lə qarşılaşacaq

Bu gün Azərbaycan çempionu "Qarabağ" futbol klubunun da iştirak etdiyi UEFA Avropa liqasının qrup mərhələsi çərçivəsində dördüncü turun oyunları keçiriləcək. Turnirin H qrupunda yer alan Azərbaycan çempionu hesabat turunda Almaniyanın və eləcə də Avropanın qrandlarından hesab edilən "Bayer" klubunu qəbul edəcək. Taleyi ingiltərəli referi Kreyq Pousona tapşırılan bu qarşılaşma saat 21:45-də Tofiq Bəhramov adına respublika stadionunda başlayacaq. 

Yeri gəlmişkən, bu gün H qrupunda keçiriləcək digər oyunda isə "Xekken" (İsveçrə) evdə "Molde"ni (Norveç) qəbul edəcək. Baş hakimi şotlandiyalı Doblald Roberton olan görüş axşam saat 00:00-da Goteborqdaki "Ullevi" stadionunda baş tutacaq.

Xatırladaq ki, "Qarabağ" ilk iki turda "Molde" və "Xekken"i 1:0 hesabla məqlub etdikdən sonra üçüncü turda Almaniya təmsilçisinə Liverkuzendə uduzub - 1:5. 

Hazırda cempionumz 3 oyunda topladığı 6 xalla H qrupunda ikincidir. Rəqib isə hər üç oyunu qələbə ilə başa vuraraq 9 xalla birinci pillədə qərarlaşıb. H qrupunda vəziyyət belədir: 

Komanda  O  Q  H  M  T/F  X

Bayer  3  3  0  0  11-2  9

Qarabağ  3  2  0  1  3-5  6

Molde  3  1  0  2  6-4  3

Xakken  3  0  0  3  1-10  0

İNTİQAM Məmmədov