Voleybol

------------------

"Azərreyl" "Avarka"-nı məğlub etməklə 1/16 finala qələbəylə başlayıb

Bu gün qadın voleybol klublarının mubarizə apardığı Avrokubok yarışlarının Çellenc (Caqiriş) Kuboku turnirində 1/16 final mərhələnin ilk oyunları keçirilib. Sözügedən turnirdə ölkəmizi təmsil edən "Azərreyl" doqma divarlar arasında İspaniyanın "Avarka de Monerka" klubunu qəbul edib. Bakı Voleybol Mərkəzində baş tutan bu görüş Azərbaycan çempionunun qələbəsi ilə bitib - 3:1 (23:25, 25:15, 25:19, 25:23). Bununla da "Azərreyi" bir gün öncə Zəfər günü bayramının sevincini yaşayan doğma azarkeşlərinə öz qələbəsi ilə daha bir qələbə sevinc yaşadıb. 

Oyunun gedişatına gəlincə, qarşılaşma olduqca gərgin mübarizə şəraitində keçib. Matçın xala-xal prinsipi ilə keçən və nəfəslər kəsən (11:11, 18:18, 19:19, 20:20, 21:22, 22:23, 23:24) ilk yarısı sonda qonaq komandanın qələbəsiylə bitib - 23:25. 

İkinci set isə çempionumuzun üstünlüyü ilə başlayıb (4:1, 5:1, 6:1) və belə də davam edib (13:9, 17:12, 19:13, 20:13, 21:14, 22:15, 24:15, 25:15). Bu isə çempionumuzun pozulmuş statusu bərpa etmək imkanı verib - 1:1.

Matçın üçüncü seti "Azərreyl"-in üstünlüyü ilə keçib. Əvvəldən üstünlüyü ələ alan (5:1) ' dəmiryolçular az sonra rəqibini önə buraxsa da (5:6, 7:10) yenidən təşəbbüsü ələ almaqi bacarıb (14:11, 19:16, 20:16, 21:17, 22:17, 22:18, 24:18 və 25:19) və sonda ümumi hesabı öz xeyrinə olmaqla 2:1-ə çatdıra bilib.

Matçda həlledici olan 4-cu set də bir qədər gərgin və həyəcanlı keçib. Setin əvvəli "Azərreyl" üçün yaxşı keçsə də (6:3, 8:4, 10:5, 12:5, 17:13, 18:13, 21:16) 24:19-dan sonra təşəbbüs qonaqlar tərəfə keçib. Qələbə üçün bir xalın vacib olduğu halda, qonaqlar hesabı 24:23-ə çatdırırlar. Xoşbəxtlikdən çempionumuz ümumi qələbə üçün bəs edən bir xalı qazana bilib - 25:23.Bununla da, "dəmiryolçular" meydanı qələbə ilə tərk ediblər - 3:1.

Qeyd edək ki, cavab oyunu noyabrin 15-də İspaniyada olacaq. 

Xatırladaq ki, "Azərreyl" turnirin 1/32 finalında Ukraynanın"Balta" klubunu hər iki oyunda 3:0 hesabla məğlub etmişdi.

İNTİQAM Məmmədov