Futbol

----------------

  "Qarabağ" evdə də "Bayer"ə məğlub olub

Dünən futbol üzrə UEFA Avropa liqasının qrup mərhələsində sayca dördüncü olan növbəti turun oyunları keçirilib. Ölkəmizi bu turnirdə təmsil edən və turnirin D qrupunda yer alan Azərbaycan çempionu "Qarabağ" klubu hesabat turu çərçivəsində Almaniya Bundesliqasına liderlik edən "Bayer" (Liverkuzen) klubunu qəbul edib. Qeyd edək ki, Tofiq Bəhramov adına respublika stadionunda keçirilən və taleyi ingiltərəli hakim Kreyq Pousona tapşırılan görüş qonaq komandanın minimal hesablı qələbəsi ilə başa çatıb  - 0:1. Matçda vurulan yeganə qolun müəllifi isə 90+4 dəqiqədə penaltı zərbəsi ilə Viktor Bonifas olub. Qeyd edək ki, ilk yarısı qolsuz bərabərliklə bitən matçın 83-cu dəqiqəsində əvəzləmə ilə meydana çıxan Maksim Medvedev 90+1 dəqiqədə əllə oynadığı üçün hakim VAR - in qərarı ilə "Qarabağ"ın qapısına penaltı zərbəsi təyin edib. Qonaqlar isə bu fürsətdən maksimum yararlaniblar. 

Xatırladaq ki, Azərbaycan çempionu bu komandayla 3-tur çərçivəsində üzləşdiyi ilk oyunda (Leverkuzendə) 5:1 hesabla uduzmuşdu.

D qrupunda keçiriləcək digər oyunda isə "Xekken" (İsveç) klubu öz meydanında "Molde" ni (Norveç) qəbul edib. Həmin oyun gec başladığı üçün nəticəsi bəlli deyil. 

Hazırda D qrupunda vəziyyət belədir: 

Bayer  4  4  0  0 12/2  12

Qarabağ  4  2  0  2  3-5  6

Molde  3  1  0  2  6-4  3

Xekken  3  0  0  3  1-10  0

İNTİQAM Məmmədov