ŞAHMAT

---------------------

Şahmat yığmalarımız AÇ-da hesabat turunu qələbə ilə bitiriblər

Kişilərimiz Montoneqro yığmasını, qadınlarımızsa Almaniya maşınını əzib

Montoneqronun Budve şəhərində kişi və qadınlardan ibarət yığmalar arasında şahmat üzrə keçirilən və Azərbaycan komandalarının (kişi və qadın) da iştirak etdiyi Avropa çempionatı davam edir. Artıq çempionatda 5-ci tura da yekun vurulub. Tur hər iki komandamız üçün uğurlu olub. Beləki, heyəti Şəhriyar Məmmədyarov, Rauf Məmmədov, Nicat Abbasov  və Vasif Durarbəylidən ibarət olan kişi yığmamız hesabat turunda Montoneqronu 3:1 hesabla məğlub edib. Bu qələbədən sonra aktivindəki xalların sayını 6-ya çatdıran yığmamız 38 iştirakçı arasında yenə də 15-ci yerdə qalıb. Yarışa 9 xalla Almaniya liderlik edir.

Günay Məmmədzadə, Ülviyyə Fətəliyeva. Gövhər Beydullayeva və Gülnar Məmmədovadan ibarət heyətlə hesabat turunda Almaniyaya qarşı oynayan qadın yığmamız isə hesabat turunda 2,5:1,5 hesablı qələbə qazanıb. Bu qələb sayəsində xallarını 9-a çatdıran qadın yığmamız əvvəlki kimi yenə də onunla eyni xal ehtiyatına malik olan Fransa millisi ilə 1-2-ci yerləri bölüşür. Qadınların yarışında 32 komanda mübarizə aparır.

Bu gün komandalar birgünlük istirahətə çıxıblar. Sabah çempionat 6-cı turla davam edəcək. 

İNTİQAM Məmmədov