ŞAHMAT

----------------

Kişi şahmat yığmamız AÇ-də sonuncu yerə doğru sürətlə irəliləyir

Qadınlarımız isə zəfər yürüşünü davam etdirirlər

Montoneqronun Budve şəhərində Azərbaycan yığmaları da daxil olmaqla 38 kişi və 32 qadın yığmasının iştirakı ilə şahmat üzrə keçirilən komandalararası Avropa çempionatı davam edir. Təəssüflər olsun ki, heyətində Günay Məmmədzadə, Gülnar Məmmədova, Ülviyyə Fətəliyeva, Gövhər Beydullayeda və Xanım balacayevanın cəmləşdiyi qadın yığmamızdan fərqli olaraq, heyəti Teymur Rəcəbov, Şəhriyar Məmmədyarov, Rauf Məmədov, Nicat Abbasov və Vasif Durarbəyli kimi tanınmış qrossmeysterlərdən ibarət olan kişi komandamız hec də ürəkaçan çıxış etmir.  Qeyd edək ki, geridə qalan 7 turdan yalnız birində məğlub olub, birində rəqiblə xal bölən və qalan beş oyunda qalib gələrək 11 xal toplayan və bu nəticə ilə yarış cədvəlində ilk üçlükdə yer alan qadın yığmamızdan fərqli olaraq, kişi yığmamız 7 rurdan yalnız üçündə qalib gəlib və qalan dörd oyunda məğlubiyyətlə üzləşib. Bununla da 7 oyundan sonra cəmi 6 xal toplayan kişi yığmamız hər turda geriləməkdə davam edərərk 25-ci pilləyə düşüb. 

Çempionatın bitməsinə cəmi 2 tur tur qalır. Bu gün baş tutacaq 8-ci turda Kişi yığmamız Belçika, qadın millimiz isə Yunanıstanla qarşılaşacaq. 

İNTİQAM Məmmədov